صباح الخير ..

كنت قاعد فى امانة الله .. فجأة جالى فكرة غريبة جداً ..


تخيلوا معايا ..

كام واحد دلوقتى بياكل فى نفس الوقت

كام واحد بيضحك فى نفس الوقت !

كام واحد بيزعق

كام واحد بكتب على الكيبورد

كام واحد بيعيط ..

كام واحد بيجرى

كام واحد بيبص للسما

كام واحد بيقرا الجرنان

كام واحد بيسلم على واحد تانى

تخيلوهم بيعملوا نفس الحاجه بنفس الحركة ..

فى نفس الوقت!!


دماغى تعبتنى فعلا ..

حسيت بالدوشة قوى و انا ببص للأرض من فوق

حاسس بإنى عايز أجيب فيروس و أخلص ع البشرية دى .. و انا معاهم

ميول سوداوية و عصبية ..

يا تلحقونى .. يا متلحقونيش


حاسس و كأن مسمار بيدق فى دماغى ..

طراخ طراخ طراخ طراخ..


بس بعد شوية قعدت و ..

مش حاسس بحاجه خالص ..

مجرد .. سكوووووون !


معتز المصرى

25 أبريل 2009